Bugun "Inter" va "Atalanta" klublari o‘rtasida hujumchi Ademola Lukman transferi bo‘yicha yangi muzokaralar bo‘lib o‘tadi.
Bo‘lajak muhokamalar hal qiluvchi bo‘lishi kutilmoqda. Insayder Paskuale Garro ma’lumotiga ko‘ra, milanliklar bergamoliklarga 44-45 mln yevrolik yaxshilangan taklif va bonuslarni taqdim etadi. Avvalroq o‘z yulduzi uchun 50 mln yevro so‘ragan "Atalanta"ga bunday shartlar ma’qul kelishi hozircha noma’lum.
Ademola Lukmanning o‘zi allaqachon "Inter"ga o‘tishga qaror qilgan va klublar uning transfer tafsilotlarini kelishib olishlariga umid qilmoqda. 27 yoshli futbolchining hisobida bergamoliklar safida 118 ta o‘yinda 52 ta gol va 25 ta golli uzatma bor.
