"Yuventus" hamon "PSJ"ga tegishli hujumchi Randal Kolo-Muani o‘z safida olib qolmoqchi.
Parijliklar fransuzni sotuvga qo‘ygan, ammo uni yana Turin klubiga qo‘yib yubormoqchi emas, chunki u to‘g‘ridan-to‘g‘ri transfer emas, balki sotib olish imkoniyati bilan ijaraga olishni taklif qilmoqda. Jurnalist Nikolo Skiraning yozishicha, Kolo-Muani "Yuventus"ning ustuvor maqsadi bo‘lib qolmoqda. "Keksa sinyora" fransuz grandi bosslarini ko‘ndirishga umid qilmoqda va hujumchi uchun rasmiy taklif tayyorlamoqda. 26 yoshli futbolchining o‘zi faoliyatini Turinda davom ettirmoqchi ekanini aytgan.
Randal Kolo-Muani yanvar oyida "Yuventus"ga kelganidan beri 22 o‘yinda o‘nta gol urdi. Transfermarkt portalida futbolchining narxi - 30 mln yevro.













