"Barselona" Mark-Andre ter Shtegen o‘rniga yangi futbolchini ro‘yxatdan o‘tkazishga umid qilmoqda.

Kecha nemis darvozaboni Bordoda belidan operasiya qilindi. Xabarlarga ko‘ra, operasiyadan so‘ng darhol tayyorlangan dastlabki hisobotda jarroh Ameli Leglise futbolchining taxminan to‘rt oyga safdan chiqishini tasdiqlagan.

"Barsa" La Liga tibbiy qo‘mitasiga taqdim etadigan hujjatda xuddi shu muddat ko‘rsatiladi. Agar u tasdiqlansa, kataloniyaliklar yangi futbolchini unga Ter Shtegen maoshining 80 foizini to‘lash imkoniyati bilan ro‘yxatdan o‘tkazish huquqiga ega bo‘ladi.

"Barselona"da kerakli hujjatlarni topshirish uchun ko‘pi bilan 30 kun bor, ammo klub buni keyingi haftadan kechiktirmasdan amalga oshirish niyatida. Ter Shtegenning ahvoli bo‘yicha uch shifokordan iborat komissiya qaror qabul qiladi.

Yana bir shifokor Xordi Ardevola bu ish bo‘yicha mas’ul ekspertlar hay’atidan chiqarildi, chunki u besh yil davomida "Barselona"ning tibbiy xizmatlarini boshqargan.