Yarim himoyachi Rodrigo de Paul "Inter Mayami" safidagi debyut o‘yinidan so‘ng fikr bildirdi.

Argentinalik xavbek Ligalar kubogi doirasida "Atlas"ga qarshi kechgan bahsda (2:1) "qo‘tonlar"ning g‘alabasiga hissa qo‘shdi. Rodrigo asosiy tarkibda maydonga tushdi va o‘yin oxiriga qadar o‘ynadi.

"Juda xursandman. Bu haqiqatga aylangan orzu. Leo bilan o‘ynash har doim orzu. Men uning yanada ko‘proq sovrinlarni qo‘lga kiritishiga yordam berish uchun shu yerdaman. Messi - tarixdagi eng buyuk futbolchi, u ko‘prog‘iga loyiq. Biz bir-birimizni terma jamoada yaxshi bilamiz, ammo klub miqyosida birinchi marta birga o‘ynadik. Farzandlarim ulg‘aygach, men ularga Messi bilan o‘ynaganim va g‘alaba qozonganimni aytaman," - deya de Paulning intervyusidan iqtibos keltiradi Inter Miami News Hub.