Ярим ҳимоячи Родриго де Пауль "Интер Майами" сафидаги дебют ўйинидан сўнг фикр билдирди.
Аргентиналик хавбек Лигалар кубоги доирасида "Атлас"га қарши кечган баҳсда (2:1) "қўтонлар"нинг ғалабасига ҳисса қўшди. Родриго асосий таркибда майдонга тушди ва ўйин охирига қадар ўйнади.
"Жуда хурсандман. Бу ҳақиқатга айланган орзу. Лео билан ўйнаш ҳар доим орзу. Мен унинг янада кўпроқ совринларни қўлга киритишига ёрдам бериш учун шу ердаман. Месси - тарихдаги энг буюк футболчи, у кўпроғига лойиқ. Биз бир-биримизни терма жамоада яхши биламиз, аммо клуб миқёсида биринчи марта бирга ўйнадик. Фарзандларим улғайгач, мен уларга Месси билан ўйнаганим ва ғалаба қозонганимни айтаман," - дея де Паулнинг интервьюсидан иқтибос келтиради Inter Miami News Hub.
