"Nyukasl" hujumchisi Aleksandr Isak o‘z transferini kutish bilan birga sport formasini ham yuqori darajada saqlab turibdi. Xabaringiz bor, 25 yoshli shvesiyalik "Liverpul" bilan og‘zaki kelishuvga erishgan va "qizillar"ning "Nyukasl" bilan kelishib olishini kutmoqda, ammo "qarg‘alar" o‘z yulduzini sotish istagi bilan yonmayapti. El Diario Vasco xabariga ko‘ra, ayni damda Isak "Real Sosyedad" mashg‘ulot majmuasida yakka tartibda shug‘ullanmoqda. Futbolchi Angliyaga ko‘chib o‘tgunga qadar bask klubida o‘ynagan.

Aleksandr Isakning transferi "Liverpul"ga 150 mln yevrodan ko‘proqqa tushishi mumkin, bu ingliz futboli uchun rekord bo‘ladi. Transfermarkt saytidagi futbolchining taxminiy narxi - 120 mln yevro.