Bugun O‘zbekiston taekvondo WT assosiasiyasi raisi, mamlakat Milliy Olimpiya qo‘mitasi raisi o‘rinbosari Sherzod Tashmatov Malayziyaning Kuching shahrida o‘tkazilgan o‘smirlar va yoshlar o‘rtasidagi Osiyo chempionatida muvaffaqiyatli ishtirok etib, g‘olib va sovrindorlar qatoridan joy olgan sportchilarimiz bilan uchrashdi.
Uchrashuv davomida Sherzod Rixsibayevich yosh taekvondochilarni qo‘lga kiritilgan natijalar bilan samimiy qutlab, bu bilan to‘xtab qolmaslik kerak ekani, oldinda ularni Dakar-2026 o‘smirlar Olimpiadasi kutib turganini ta’kidladi.
Tadbir yakunida Sherzod Tashmatov Osiyo chempionatining barcha g‘olib va sovrindorlarini pul mukofotlari bilan taqdirladi va keyingi musobaqalarda omad yor bo‘lishini tiladi.













