Polsha terma jamoasining sobiq yarim himoyachisi Yan Tomashevskiy Robert Levandovski "Barselona"ni tark etishi kerak, deb hisoblamoqda.

Uning fikricha, yulduz hujumchi bu mavsum zaxirada qolib ketishi mumkin.

"Endi Robert jamoa uchun unchalik ahamiyatli emas va "Barselona"ning eng yaxshi futbolchilari unga to‘p uzatmayapti. Robert hozirning o‘zida bu klubdagi faoliyatini yakunlashi va kamroq talablarga ega jamoaga o‘tishi kerak," - deya Tomashevskiyning so‘zlarini keltiradi Mundo Deportivo.

Uning qo‘shimcha qilishicha, hujumchi qolishi ham mumkin, ammo bunday holatda u o‘yinlarni zaxirada boshlashga tayyor bo‘lishi kerak.

Avvalroq, Levandovskiga Saudiya Arabistoni klublari qiziqish bildirayotgani haqida xabarlar tarqalgan edi.