Польша терма жамоасининг собиқ ярим ҳимоячиси Ян Томашевский Роберт Левандовски "Барселона"ни тарк этиши керак, деб ҳисобламоқда.
Унинг фикрича, юлдуз ҳужумчи бу мавсум захирада қолиб кетиши мумкин.
"Энди Роберт жамоа учун унчалик аҳамиятли эмас ва "Барселона"нинг энг яхши футболчилари унга тўп узатмаяпти. Роберт ҳозирнинг ўзида бу клубдаги фаолиятини якунлаши ва камроқ талабларга эга жамоага ўтиши керак," - дея Томашевскийнинг сўзларини келтиради Mundo Deportivo.
Унинг қўшимча қилишича, ҳужумчи қолиши ҳам мумкин, аммо бундай ҳолатда у ўйинларни захирада бошлашга тайёр бўлиши керак.
Аввалроқ, Левандовскига Саудия Арабистони клублари қизиқиш билдираётгани ҳақида хабарлар тарқалган эди.
