«Andijon» klubi yangi darvozaboni Erjan Tokotayev Superliganing 16-turi doirasida bo‘lib o‘tgan «Qo‘qon-1912»ga qarshi o‘yinda debyut qildi. O‘yindan so‘ng qirg‘izistonlik posbon o‘z fikrlari bilan o‘rtoqlashdi.
"Avvalo, "Andijon" safida debyut o‘yinni o‘tkazganimdan xursandman. Bu lahzani kutgandim. Birinchi o‘yinimda o‘z darvozamdan gol o‘tkazmagani yoqimli bo‘ldi. O‘z uyimizda muxlislar qarshisida g‘alaba qozonganimizdan mamnunman. O‘yin davomida bizni qo‘llab-quvvatlagan muxlislarga rahmat aytaman.
Seyvlar haqida to‘xtaladigan bo‘lsam, zarbalar juda ham murakkab bo‘ldi, deya olmayman. Ammo ularni qaytarishga harakat qildim.
Jamoaga moslashishim qiyin bo‘lmadi. Ahil jamoa yig‘ilgan. Ular bilan birga ekanimdan xursandman.
Muxlislar esa eng zo‘ri! Ularga alohida rahmat. Bizni qo‘llab-quvvatlashda davom etishsin", — dedi Erjan.













