"Manchester Yunayted" bosh murabbiyi Ruben Amorim klub xo‘jayini Jim Retkliff bilan muloqoti haqida gapirdi.

"Biz telefon orqali gaplashamiz, u menga yozadi, gif yuboradi - munosabatlarimiz shunday. Jim bilan muomala qilish oson. Shu ma’nodaki, agar sen masalani tushunsang, har qanday yechimni tushuntira olsang - u tushunadi. Lekin aqlli gaplar bilan safsata sotmoqchi bo‘lsang, darrov o‘z joyingga qo‘yadi. Shunday ekan, u bilan muomala qilishim oson. Men hamma qatori hurmat bilan gapiraman, uning klub xo‘jayini ekanini bilaman, o‘z o‘rnimni bilaman. Lekin aytadigan gapim bo‘lsa - to‘g‘risini aytaman, ortiqcha gapirmayman. Gapni aylantirib o‘tirmayman. Menimcha, u buni qadrlaydi", - dedi Amorim Sky Sports’ga bergan intervyusida.

Eslatib o‘tamiz, Angliya chempionatining o‘tgan mavsumi yakunlariga ko‘ra, "Manchester Yunayted" hisobidagi ochkolar soni 42 taga etdi va jamoa turnir jadvalida 15-o‘rinni band etdi.