"Манчестер Юнайтед" бош мураббийи Рубен Аморим клуб хўжайини Жим Ретклифф билан мулоқоти ҳақида гапирди.
"Биз телефон орқали гаплашамиз, у менга ёзади, гиф юборади - муносабатларимиз шундай. Жим билан муомала қилиш осон. Шу маънодаки, агар сен масалани тушунсанг, ҳар қандай ечимни тушунтира олсанг - у тушунади. Лекин ақлли гаплар билан сафсата сотмоқчи бўлсанг, дарров ўз жойингга қўяди. Шундай экан, у билан муомала қилишим осон. Мен ҳамма қатори ҳурмат билан гапираман, унинг клуб хўжайини эканини биламан, ўз ўрнимни биламан. Лекин айтадиган гапим бўлса - тўғрисини айтаман, ортиқча гапирмайман. Гапни айлантириб ўтирмайман. Менимча, у буни қадрлайди", - деди Аморим Sky Sports’га берган интервьюсида.
Эслатиб ўтамиз, Англия чемпионатининг ўтган мавсуми якунларига кўра, "Манчестер Юнайтед" ҳисобидаги очколар сони 42 тага этди ва жамоа турнир жадвалида 15-ўринни банд этди.
