"Tottenxem" "Bavariya" yarim himoyachisi Joau Palinyani sotib olish imkoniyati bilan ijaraga oldi. Transfer haqida yakshanba kuni rasman e’lon qilindi. Taniqli jurnalist Ben Jeykobsning ma’lum qilishicha, "shporlar" portugaliyalikni Bundesliga grandidan sotib olish uchun 25 mln yevro va bonuslar ko‘rinishida 5 mln yevro to‘lashi kerak bo‘ladi.
2024 yilning yozida "Bavariya" Joau Palinyani "Fulxem"dan 51 mln yevroga sotib oldi. Xavbek Germaniyadagi ilk mavsumida o‘zini ko‘rsata olmadi va asosiy tarkibga kira olmadi.
30 yoshli futbolchining o‘zi intervyuda jamoa bosh murabbiyi Tomas Frank uni "Tottenxem"ga o‘tishga ko‘ndirganini tan oldi.
