"Real" darvozaboni Andrey Lunin muntazam ravishda mish-mishlar markazida bo‘lmoqda, chunki Tibo Kurtua sog‘lom bo‘lganda u asosiy tarkibga kira olmaydi va kam o‘yin amaliyoti oladi. El Chiringuito TV jurnalistlari Lunin avtomobilida o‘tirib, muxlislarga imzo tarqatayotgani aks etgan videoni e’lon qilishdi. Shu jarayonda ukrainalik futbolchi o‘z kelajagi haqidagi qarorini ma’lum qildi - u "Real"da qolishni istaydi. Dushanba kuni "Real" futbolchilari yangi mavsumga tayyorgarlikni boshladi.
La Liganing birinchi turida Xabi Alonso jamoasi "Osasuna"ni qabul qiladi. O‘yin 19 avgust, seshanba kuni bo‘lib o‘tadi.
Andrey Lunin "Real" safida jami 62 ta rasmiy o‘yin o‘tkazib, 70 ta gol o‘tkazib yuborgan.
