Italiyaning "Milan" klubi sobiq futbolchisi Luka Yovich Gresiyaning AYEK futbolchisiga aylandi. Uning so‘zlariga ko‘ra, bu "shaxsiy qaror" bo‘lgan - ehtimol, Gresiya va uning vatani Serbiyaning tarixiy yaqinligi bilan bog‘liq.
"Men bu klubni shaxsiy sabablarga ko‘ra tanladim. Men murabbiy bilan ko‘p gaplashdim, uning o‘z ishiga qanday ishtiyoq bilan yondashayotganini ko‘rdim. AYEKning ambisiyalari bor, maqsadi bor. Klub hujumida yetakchi bo‘lishni, muhim gollar urishni istayman. Men yangi missiyaga tayyorman," - deya Yovichning so‘zlarini keltiradi pianetamilan.it.
Eslatib o‘tamiz, Yovich "Milan" safida ikki yil - 2023 yildan buyon to‘p tepib kelayotgan edi. 2018 yildan beri u o‘z mamlakati terma jamoasida o‘ynaydi.













