Италиянинг "Милан" клуби собиқ футболчиси Лука Йович Грециянинг АЕК футболчисига айланди. Унинг сўзларига кўра, бу "шахсий қарор" бўлган - эҳтимол, Греция ва унинг ватани Сербиянинг тарихий яқинлиги билан боғлиқ.
"Мен бу клубни шахсий сабабларга кўра танладим. Мен мураббий билан кўп гаплашдим, унинг ўз ишига қандай иштиёқ билан ёндашаётганини кўрдим. АЕКнинг амбициялари бор, мақсади бор. Клуб ҳужумида етакчи бўлишни, муҳим голлар уришни истайман. Мен янги миссияга тайёрман," - дея Йовичнинг сўзларини келтиради pianetamilan.it.
Эслатиб ўтамиз, Йович "Милан" сафида икки йил - 2023 йилдан буён тўп тепиб келаётган эди. 2018 йилдан бери у ўз мамлакати терма жамоасида ўйнайди.
