Madridning "Real" klubi chap qanot himoyachisi Alvaro Karreras klubdagi dastlabki haftalardan olgan taassurotlari bilan o‘rtoqlashdi.
22 yoshli futbolchi iyul oyi o‘rtalarida ispan grandi safiga Portugaliyaning "Benfika" klubidan ko‘chib o‘tgandi. Bitim qiymati 50 mln yevroni tashkil etdi.
"Men juda baxtliman. "Real"ning barcha futbolchilari juda iqtidorli, ammo kamtarin. "Santyago Bernabeu"da o‘ynash imkoniyatini intiqlik bilan kutyapman. Biz barcha sovrinlarni yutib olishimiz mumkin - buning uchun birgalikda ishlashimiz kerak," - deya ispaniyalikning so‘zlarini keltiradi Madrid Zone .
Alvaro Karreras "qaymoqranglilar" bilan 2031 yilning yozigacha mo‘ljallangan shartnoma imzoladi.













