"PSJ" darvozaboni Janluidji Donnarumma joriy transfer oynasida klubini o‘zgartirishi mumkin.
Avvalroq, Chempionlar Ligasining amaldagi g‘olibi italiyalik futbolchini sotmoqchi ekani haqida xabarlar tarqalgan edi.
Jurnalist Sebastyan Vidalning ta’kidlashicha, "Chelsi" va "Manchester Yunayted" Donnarummaning transferi bo‘yicha "PSJ"ga murojaat qilgan. Har ikkala klub ham futbolchining shartnomasi bo‘yicha yuzaga kelgan vaziyatdan foydalanib, qulay narxda bitim tuzishni istamoqda.
2024/25 yilgi mavsumda Donnarumma barcha turnirlarni hisobga olgan holda 47 ta o‘yinda maydonga tushib, 43 ta gol o‘tkazib yubordi va 17 marta o‘z darvozasini daxlsiz qoldirishga muvaffaq bo‘ldi.
