Hujumchi Nikolas Jekson joriy transfer oynasida Londonning "Chelsi" klubini tark etishi mumkin. Telegraph jurnalistlariga ma’lum bo‘lishicha, senegallik futbolchiga APLning boshqa bir klubi - "Nyukasl"dan taklif bor.

"Hakkalar" jamoaning hujum chizig‘ini kuchaytirmoqchi va Nikolasni yozgi transferlar oynasi yopilgunga qadar o‘z safiga qo‘shib olmoqchi. Shu bilan birga, ehtimoliy bitim summasi taxminan 75 million yevroga baholanmoqda.

Afrikalik futbolchi ikki yil muqaddam "aristokratlar" safiga kelib qo‘shilgan edi. Hujumchi londonliklar bilan 2033 yilning yarmigacha shartnoma majburiyatlari bo‘yicha bog‘langan.

Nikolas Angliya chempionatining o‘tgan mavsumida 30 ta o‘yinda maydonga tushib, 10 ta gol va 5 ta golli uzatmani o‘z hisobiga yozdirib qo‘ydi.