"Bayer" klubi AZ Alkmaarda to‘p tepgan hujumchi Ernest Poku bilan shartnoma imzolaganini e’lon qildi. Tegishli ma’lumot nemis klubi saytida paydo bo‘ldi.
Niderlandiyalik hujumchi besh yillik mehnat shartnomasini imzoladi. Nemis OAV ma’lumotlariga ko‘ra, Poku leverkuzenliklarga bonuslarni hisobga olmaganda 10 mln yevroga tushgan.
O‘tgan mavsumda 21 yoshli vinger AZ Alkmaar safida barcha musobaqalarda 42 ta o‘yinda maydonga tushib, o‘z hisobiga 3 ta gol va 8 ta golli uzatmani yozdirib qo‘ydi.














