20 yoshli shveysariyalik himoyachi Zakari Atekame faoliyatini Italiya chempionatida davom ettiradi. "Milan" futbolchini sotib olganini e’lon qildi.
Himoyachi milanliklar bilan uzoq muddatli mehnat shartnomasini imzoladi. Shartnoma 2030 yilning o‘rtalariga qadar mo‘ljallangan. Transfermarkt ekspertlari bahosiga ko‘ra, Atekamening transferi "Milan"ga o‘n million yevroga tushgan.
2024/2025 yilgi mavsumda Zakari 43 ta o‘yinda qatnashib, 1 ta gol va 3 ta golli uzatmani o‘z hisobiga yozdirib qo‘ygan.













