Qanot himoyachisi Ektor Fort "Barselona"ni tark etadi. Bunday ma’lumotlar bilan insayder Fabrisio Romano bo‘lishdi.

Manbaning ta’kidlashicha, Fort "Barselona"ning Ispaniya chempionatining birinchi turi "Malyorka"ga qarshi o‘yin qaydnomasiga kiritilmagan, chunki jamoada unga umid qilinmayapti. Ta’kidlanishicha, 19 yoshli himoyachi yaqin ikki hafta ichida sotib yuboriladi.

Fort "Barselona" tarbiyalanuvchisi hisoblanadi. U o‘tgan mavsumda asosiy jamoa safida 30 ta o‘yinda maydonga tushdi va 3 ta golli uzatmani amalga oshirdi.

Transfermarkt mutaxassislari ispaniyalik futbolchining narxini o‘n million yevroga baholamoqda.