Kecha "Manchester Siti" APL 1-turida "Vulverxempton"ni safarda 4:0 hisobida mag‘lub etdi.

Hamyurtimiz Abduqodir Husanov o‘yinni zaxiradan boshladi va 82-daqiqada Jon Stouns o‘rniga maydonga tushdi.

21 yoshli O‘zbekiston terma jamoasi himoyachisi maydonda harakat qilgan 9+ daqiqalar davomida 4 ta pas berdi (barchasi aniq), pozisiya uchun kurashda 3 marta qatnashib, barchasida g‘alaba qozondi. 1 marta fol ishladi va 1 ta muvaffaqiyatli dribling amalga oshirdi. Uning harakatlari SofaScore tomonidan 7 ballga loyiq ko‘rildi.