Fabrisio Romano tarqatgan xabarga ko‘ra "RB Leypsig" asosiy forvardini ispan klubiga sotadi.
Qachonlardir eng umidli portugaliyalik hujumchilardan biri bo‘lgan Andre Silva La Liganing o‘rtamiyona vakili "Elche"ga o‘tadi.
29 yoshli Silva o‘z transferi borasida klub bilan prinsipial kelishuvga erishdi. Tez orada u tibbiy ko‘rikdan o‘tadi, shundan so‘ng uning transferi rasman e’lon qilinadi.
Silva o‘tgan mavsumda barcha musobaqalarda 23 ta o‘yinda maydonga tushib, 2 ta gol urgan va 3 ta golga hammualliflik qilgan. Mavsumning bir qismini Andre jarohatlar tufayli o‘tkazib yubordi.
