FIFA klublar o‘rtasidagi jahon chempionatini kengaytirish imkoniyatini ko‘rib chiqadi.

The Guardian xabariga ko‘ra, Xalqaro futbol federasiyasi 2029 yildan boshlab har ikki yilda bir marta turnir o‘tkazish g‘oyasini baholaydi. Turnirlar oralig‘idagi vaqtni qisqartirishni "Real" taklif qilgandi, bu yilgi mavsumni o‘tkazib yuborgan bir qator klublar, jumladan, "Liverpul", "Barselona", "Napoli" va "Manchester Yunayted" madridliklarning tashabbusini qo‘llab-quvvatladi.

Shuningdek, ishtirokchilar sonini ko‘paytirish (32 tadan 48 tagacha) va "bir mamlakatdan ko‘pi bilan ikkita klub" qoidasidan voz kechish imkoniyati ko‘rib chiqilmoqda.

FIFA to‘liq taqvim bilan bog‘liq tanqidlar fonida terma jamoalarning iyun oyidagi o‘yinlaridan voz kechish masalasini ko‘rib chiqishi mumkin, ammo bu yoz boshida Millatlar ligasi final bosqichini o‘tkazadigan UYEFAning qarshiligiga sabab bo‘lishi mumkin.