"Aston Villa" hujumchisi Leon Beyli "Roma"ga ijara asosida o‘tishga yaqin turibdi. Bu haqda jurnalist Fabrisio Romano X ijtimoiy tarmog‘idagi sahifasida ma’lum qildi.
Futbolchi rimliklar safiga 2-3 million yevro evaziga ijaraga o‘tadi, sotib olish opsiyasini faollashtirish narxi 22 million yevroni tashkil qiladi.
O‘tgan mavsumda Beyli barcha musobaqalarda 38 ta o‘yinda qatnashib, ikkita gol urdi va to‘rtta golli uzatmani amalga oshirdi. Futbolchining klub bilan amaldagi mehnat shartnomasi 2027 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor qiymati 28 million yevroni tashkil qiladi.
