"Астон Вилла" ҳужумчиси Леон Бэйли "Рома"га ижара асосида ўтишга яқин турибди. Бу ҳақда журналист Фабрицио Романо Х ижтимоий тармоғидаги саҳифасида маълум қилди.
Футболчи римликлар сафига 2-3 миллион евро эвазига ижарага ўтади, сотиб олиш опциясини фаоллаштириш нархи 22 миллион еврони ташкил қилади.
Ўтган мавсумда Бэйли барча мусобақаларда 38 та ўйинда қатнашиб, иккита гол урди ва тўртта голли узатмани амалга оширди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор қиймати 28 миллион еврони ташкил қилади.
