"Real"ning sobiq yarim himoyachisi, "Osasuna" sharafini himoya qilayotgan Lukas Torro "qaymoqranglilar"ning eng xavfli futbolchisi haqidagi savolga javob berdi.
"Real"ning eng xavfli futbolchisi? Kurtua devorga o‘xshaydi va dunyodagi eng yaxshi darvozabonlardan biri. Valverde hamma joyda o‘ynaydi, Mbappe esa hujumda juda xavfli," - deya Torroning so‘zlarini keltiradi Diario AS.
Torro 2012 yildan 2017 yilgacha "Real"da o‘ynagan, ammo asosiy jamoada debyut qilmagan. "Kastilya" tarkibida u 52 ta o‘yin o‘tkazib, bitta gol urdi va ikkita golli uzatmani amalga oshirdi.
