"Barselona" hujumchisi Ferran Torres jamoadagi o‘rni haqida gapirdi.

Ispaniyalik futbolchi jarohatidan so‘ng hali optimal sport formasiga kira olmagan Robert Levandovskining o‘rnini egallamoqda. Shanba kuni Torres "ko‘k-anorranglilar"ga La Liga doirasidagi "Levante"ga qarshi o‘yinda (3:2) irodali g‘alabani qo‘lga kiritishga yordam berdi va gol urdi.

"Men har doim jamoa uchun muhim shaxs bo‘la olishimga ishonganman. Hozir asosiy tarkibda o‘ynashga qodir ekanligimni ko‘ryapman va murabbiy meni asosiy tarkibda tushirganida maksimal darajada o‘ynashim kerak. Bizda juda jiddiy raqobat bor, ammo bu yaxshi," - dedi Ferran o‘yindan keyingi intervyusida.

25 yoshli forvardning hisobida Ispaniya chempionatining joriy mavsumida o‘tkazilgan ikki o‘yinda kiritilgan ikkita gol bor.