"Барселона" ҳужумчиси Ферран Торрес жамоадаги ўрни ҳақида гапирди.
Испаниялик футболчи жароҳатидан сўнг ҳали оптимал спорт формасига кира олмаган Роберт Левандовскининг ўрнини эгалламоқда. Шанба куни Торрес "кўк-анорранглилар"га Ла Лига доирасидаги "Леванте"га қарши ўйинда (3:2) иродали ғалабани қўлга киритишга ёрдам берди ва гол урди.
"Мен ҳар доим жамоа учун муҳим шахс бўла олишимга ишонганман. Ҳозир асосий таркибда ўйнашга қодир эканлигимни кўряпман ва мураббий мени асосий таркибда туширганида максимал даражада ўйнашим керак. Бизда жуда жиддий рақобат бор, аммо бу яхши," - деди Ферран ўйиндан кейинги интервьюсида.
25 ёшли форварднинг ҳисобида Испания чемпионатининг жорий мавсумида ўтказилган икки ўйинда киритилган иккита гол бор.
