Kobbi Maynuning kelajagi yaqin kunlarda hal qilinadi.

Daily Mail nashri xabariga ko‘ra, "Manchester Yunayted" yarim himoyachi borasida 48 soat ichida qaror qabul qilishi kutilmoqda.

20 yoshli futbolchi o‘yin vaqti kamligidan norozi va Chempionlar ligasida o‘ynaydigan klubga o‘tishga tayyor. Ta’kidlanishicha, vaziyat shartnomani uzaytirish bo‘yicha muzokaralarda oldinga siljish bo‘lmagani bilan murakkablashmoqda.

Maynuga 10 ta klub qiziqish bildirmoqda, ularning ba’zilari allaqachon "Manchester Yunayted" bilan bog‘lanishgan. "Mankunianliklar" nima qilish haqida o‘ylab ko‘rishadi, o‘yinchini ijaraga olish ham, sotish ham mumkin.