"Nyukasl" forvardi Aleksandr Isak Shvesiya terma jamoasining 2026 yilgi jahon chempionati saralashining sentyabr oyidagi uchrashuvlari uchun qaydnomasiga kiritildi. Terma jamoa Sloveniya va Kosovoga qarshi bahs olib boradi.
Eslatib o‘tamiz, hujumchiga "Liverpul" qiziqishni saqlab turibdi, u transfer uchun taxminan 139 million yevro taklif qilishga tayyor. Futbolchining o‘zi hozircha yakka tartibda mashg‘ulot o‘tkazmoqda, chunki u "Nyukasl" bilan birga mavsumoldi tayyorgarlik jarayonlarida ishtirok etishdan bosh tortgan.
O‘tgan mavsumda Isak 42 ta o‘yinda 27 ta gol urib, sheriklariga oltita golli uzatmani amalga oshirdi va jamoaning hujum chizig‘ida asosiy figuraga aylandi.
