"Ньюкасл" форварди Александр Исак Швеция терма жамоасининг 2026 йилги жаҳон чемпионати саралашининг сентябрь ойидаги учрашувлари учун қайдномасига киритилди. Терма жамоа Словения ва Косовога қарши баҳс олиб боради.
Эслатиб ўтамиз, ҳужумчига "Ливерпуль" қизиқишни сақлаб турибди, у трансфер учун тахминан 139 миллион евро таклиф қилишга тайёр. Футболчининг ўзи ҳозирча якка тартибда машғулот ўтказмоқда, чунки у "Ньюкасл" билан бирга мавсумолди тайёргарлик жараёнларида иштирок этишдан бош тортган.
Ўтган мавсумда Исак 42 та ўйинда 27 та гол уриб, шерикларига олтита голли узатмани амалга оширди ва жамоанинг ҳужум чизиғида асосий фигурага айланди.
