Yulian Nagelsmann Leroy Saneni Germaniya terma jamoasiga chaqirmadi.

Bu yozda vinger "Bavariya"dan "Galatasaroy"ga o‘tdi. Turkiya chempionatida 29 yoshli futbolchi hozircha bitta gol va bitta samarali pasga ega.

"Endi u Bundesliga va Yevropaning boshqa top-chempionatlaridan kuchsizroq ligada o‘ynamoqda. U shunchaki ko‘proq o‘zini ko‘rsatishi kerak.

U so‘nggi o‘yinda gol urdi va golli uzatmani amalga oshirdi, ammo o‘yinni kuchaytirish uchun unga vaqt kerak. Men undan mo‘’jiza kutmagan edim.

Leroy bilan ko‘p gaplashdim. U Angliyada ham, Ispaniyada ham, Germaniyada ham, Fransiyada ham, Italiyada ham o‘ynamaydi, shuning uchun men undan ma’lum bir statistikani kutaman. Agar u buni ko‘rsatsa, terma jamoaga nomzod bo‘lib qolaveradi," - dedi Germaniya terma jamoasi bosh murabbiyi.