"Manchester Siti"ning portugaliyalik himoyachisi Ruben Diash murabbiylik faoliyati haqidagi fikrlari bilan o‘rtoqlashdi.
"Menimcha, men ajoyib murabbiy bo‘lardim. Ammo men har doim futbolchilik faoliyatimni yakunlaganimdan keyin birinchi bo‘lib dunyo bo‘ylab sayohatga chiqishimni va o‘zim xohlaganimdagina qaytishimni aytganman," - deydi Diash jurnalist Jeyson Bertga bergan intervyusida.
Diash 2020 yildan buyon "Manchester Siti" sharafini himoya qilib kelmoqda. Joriy mavsumda 28 yoshli portugaliyalik APLda ikkita o‘yinda maydonga tushdi.













