Chempionlar ligasining umumiy bosqichida "PSJ" safarda "Barselona"ga qarshi bahs olib boradi. Bu borada o‘z vaqtida "Barselona" sharafini ham futbolchi, ham murabbiy sifatida himoya qilgan parijliklar bosh murabbiyi Luis Enrike izoh berdi.
"Men uchun bu ham ijobiy, ham salbiy tuyg‘u. Qaytish - bu ajoyib, axir bu mening uyim. Shu bilan birga, chin yurakdan aytadigan bo‘lsam, menga boshqa har qanday klubdan ko‘ra ko‘proq yordam bergan klubga qarshi o‘ynash men uchun og‘riqli bo‘ladi. Men bu o‘yindan noroziman. Buni tushuntirish qiyin," - dedi Enrike matbuot anjumanida.
"Barselona" va "PSJ"ning aynan qachon to‘qnash kelishi hozircha noma’lum. Jadval shanba kuni e’lon qilinadi.
