Myunxenning "Bavariya" klubi ustozi sifatida faoliyat olib borayotgan belgiyalik mutaxassis Vensan Kompani jamoasining mavsumoldi o‘yinlari haqida fikr bildirdi.
"Yangi mavsumni qisqa muddatli yig‘indan so‘ng boshladik. Klublar o‘rtasidagi jahon chempionati tufayli tayyorgarlik ko‘rishga vaqtimiz kam bo‘ldi. Vaziyatni ideal deb bo‘lmaydi. Ba’zi jihatlarni yaxshilashimiz kerak. Hozircha "Bavariya" turnir jadvalida peshqadamlik qilmoqda", - deya bosh murabbiyning so‘zlarini keltiradi Sky Germany.
Germaniya Bundesligasi doirasidagi navbatdagi bahsni Kompani shogirdlari o‘z maydonida "Gamburg"ga qarshi o‘tkazadi. Uchrashuv 13 sentyabr, shanba kuni "Alyans-Arena"da bo‘lib o‘tadi.
