Мюнхеннинг "Бавария" клуби устози сифатида фаолият олиб бораётган бельгиялик мутахассис Венсан Компани жамоасининг мавсумолди ўйинлари ҳақида фикр билдирди.

"Янги мавсумни қисқа муддатли йиғиндан сўнг бошладик. Клублар ўртасидаги жаҳон чемпионати туфайли тайёргарлик кўришга вақтимиз кам бўлди. Вазиятни идеал деб бўлмайди. Баъзи жиҳатларни яхшилашимиз керак. Ҳозирча "Бавария" турнир жадвалида пешқадамлик қилмоқда", - дея бош мураббийнинг сўзларини келтиради Sky Germany.

Германия Бундеслигаси доирасидаги навбатдаги баҳсни Компани шогирдлари ўз майдонида "Гамбург"га қарши ўтказади. Учрашув 13 сентябрь, шанба куни "Альянц-Арена"да бўлиб ўтади.