Germaniyalik mashhur futbolchi Mats Xummels faoliyatini yakunlashga qaror qildi. Va bu Germaniya futbol ittifoqi tomonidan alohida e’tirof etiladi. Yakshanba, 7 sentyabr kuni Germaniya terma jamoasi 2026 yilgi jahon chempionati saralash bosqichi doirasida Shimoliy Irlandiya terma jamoasiga qarshi bahs olib boradi. Uchrashuv oldidan Germaniya futbol ittifoqi prezidenti Berndt Noyndorf va Rudi Fyoller futbolchini sharaflash uchun nutq so‘zlaydi.
"U maydonda ham, maydon tashqarisida ham har doim mas’uliyatni o‘z zimmasiga olgan haqiqiy yetakchi. Biz undan nemis futboliga qo‘shgan barcha hissasi va albatta, 2014 yilgi jahon chempionatidagi g‘alabasi uchun juda minnatdormiz," - dedi Noyndorf.
Xummels 2010 yildan 2023 yilgacha terma jamoada o‘ynagan.
