Германиялик машҳур футболчи Матс Хуммельс фаолиятини якунлашга қарор қилди. Ва бу Германия футбол иттифоқи томонидан алоҳида эътироф этилади. Якшанба, 7 сентябрь куни Германия терма жамоаси 2026 йилги жаҳон чемпионати саралаш босқичи доирасида Шимолий Ирландия терма жамоасига қарши баҳс олиб боради. Учрашув олдидан Германия футбол иттифоқи президенти Берндт Нойндорф ва Руди Фёллер футболчини шарафлаш учун нутқ сўзлайди.
"У майдонда ҳам, майдон ташқарисида ҳам ҳар доим масъулиятни ўз зиммасига олган ҳақиқий етакчи. Биз ундан немис футболига қўшган барча ҳиссаси ва албатта, 2014 йилги жаҳон чемпионатидаги ғалабаси учун жуда миннатдормиз," - деди Нойндорф.
Хуммельс 2010 йилдан 2023 йилгача терма жамоада ўйнаган.
