"Manchester Siti"ga o‘tgan italiyalik darvozabon Janluiji Donnarumma o‘z transferi haqida fikr bildirdi.
"Bu mening faoliyatimdagi o‘ziga xos lahza. Jahon darajasidagi futbolchilar to‘p suradigan klub safiga qo‘shildim. Ularga tarixdagi eng yaxshi murabbiylardan biri ustozlik qiladi. Bu yerda har qanday futbolchi o‘ynashni xohlaydi. Aytmoqchimanki, ular jamoaning muvaffaqiyati uchun bor kuchlarini berishadi," - deya 26 yoshli darvozabonning so‘zlarini keltiradi ingliz grandi matbuot xizmati.
Donnarumma "shaharliklar" bilan besh yillik mehnat shartnomasini imzoladi. Italiyalik futbolchining transfer summasi 39 million yevroga baholanmoqda.
