"Манчестер Сити"га ўтган италиялик дарвозабон Жанлуижи Доннарумма ўз трансфери ҳақида фикр билдирди.
"Бу менинг фаолиятимдаги ўзига хос лаҳза. Жаҳон даражасидаги футболчилар тўп сурадиган клуб сафига қўшилдим. Уларга тарихдаги энг яхши мураббийлардан бири устозлик қилади. Бу ерда ҳар қандай футболчи ўйнашни хоҳлайди. Айтмоқчиманки, улар жамоанинг муваффақияти учун бор кучларини беришади," - дея 26 ёшли дарвозабоннинг сўзларини келтиради инглиз гранди матбуот хизмати.
Доннарумма "шаҳарликлар" билан беш йиллик меҳнат шартномасини имзолади. Италиялик футболчининг трансфер суммаси 39 миллион еврога баҳоланмоқда.













