O‘tgan haftada "Manchester Yunayted" Liga kubogidan chiqib ketdi, jamoa to‘rtinchi bosqichda "Grimsbi Taun"ga penaltilar seriyasida sensasion tarzda mag‘lub bo‘ldi.
Klark Oduor "Grimsbi" safida 73-daqiqada zaxiradan maydonga tushdi. Ma’lum bo‘lishicha, bu futbolchi belgilangan muddatdan bir daqiqa o‘tib e’lon qilingan.
Nazariy jihatdan, uchrashuv qayta o‘tkazilishi yoki "Grimsbi"ga texnik mag‘lubiyat berilishi mumkin edi.
Biroq, Angliya futbol ligasi bu klubga shunchaki jarima soldi. Bu haqda The Telegraph nashri xabar bermoqda.
