Madridning "Real" klubi markaziy himoyachisi Din Xyoysen "Barselona" sharafini himoya qilayotgan Ispaniya terma jamoasidagi sherigi Lamin Yamal haqidagi savolga javob berdi.

"O‘ylaymanki, biz bu yerda, Ispaniya terma jamoasida yig‘ilganimizda, barchamiz umumiy maqsadga birlashganmiz, shuning uchun klub ishlari chetga chiqadi. Ko‘rinib turibdiki, La Ligada men Yamalni, u esa meni mag‘lub etishni xohlaydi, ammo bu terma jamoadagi o‘zaro munosabatlarimizga ta’sir qilishi kerak, deb o‘ylamayman. O‘ylaymanki, jamoamizda yaxshi muhit hukm surmoqda," - deya Xyoysenning so‘zlarini keltiradi Ispaniya OAV.