Мадриднинг "Реал" клуби марказий ҳимоячиси Дин Хёйсен "Барселона" шарафини ҳимоя қилаётган Испания терма жамоасидаги шериги Ламин Ямал ҳақидаги саволга жавоб берди.
"Ўйлайманки, биз бу ерда, Испания терма жамоасида йиғилганимизда, барчамиз умумий мақсадга бирлашганмиз, шунинг учун клуб ишлари четга чиқади. Кўриниб турибдики, Ла Лигада мен Ямални, у эса мени мағлуб этишни хоҳлайди, аммо бу терма жамоадаги ўзаро муносабатларимизга таъсир қилиши керак, деб ўйламайман. Ўйлайманки, жамоамизда яхши муҳит ҳукм сурмоқда," - дея Хёйсеннинг сўзларини келтиради Испания ОАВ.
