Ma’lumotlarga qaraganda, "Chelsi"ning hujumkor yarim himoyachisi Koul Palmer tez orada safga qaytadi. Ijtimoiy tarmoqlarda "aristokratlar" yetakchisi fotosuratlar to‘plamini, jumladan, "Stemford Brij" stadionidan olingan suratlarni e’lon qildi.
"Tez orada qaytaman," - deb yozib qo‘ydi Palmer surat ostiga.
Xabaringiz bor, Koul Palmer "Chelsi"ning "Vest Xem" (5:1) va "Fulxem" (2:0) ustidan qozonilgan so‘nggi ikki o‘yinini o‘tkazib yuborgan edi. Bu o‘yinlarning birinchisi oldidan Palmer o‘zini noqulay his qildi va uni asosiy tarkibdan chiqarishdi.
