Маълумотларга қараганда, "Челси"нинг ҳужумкор ярим ҳимоячиси Коул Палмер тез орада сафга қайтади. Ижтимоий тармоқларда "аристократлар" етакчиси фотосуратлар тўпламини, жумладан, "Стэмфорд Бриж" стадионидан олинган суратларни эълон қилди.
"Тез орада қайтаман," - деб ёзиб қўйди Палмер сурат остига.
Хабарингиз бор, Коул Палмер "Челси"нинг "Вест Хэм" (5:1) ва "Фулхэм" (2:0) устидан қозонилган сўнгги икки ўйинини ўтказиб юборган эди. Бу ўйинларнинг биринчиси олдидан Палмер ўзини ноқулай ҳис қилди ва уни асосий таркибдан чиқаришди.













