Ozarbayjon milliy jamoasi bosh murabbiyi Fernandu Santush JCH-2026 saralashidan o‘rin olgan Islandiyaga (0:5) qarshi o‘yinga munosabat bildirdi.
"Biror marta o‘z xohishingiz bilan iste’foga chiqqanmisiz? Yo‘q. Hozir iste’fo haqida o‘ylayapmanmi? Yo‘q. Mening amaldagi shartnomam bor. Bu yerda imkon qadar ko‘proq ishlashga harakat qilaman. Shartnomaga hurmat bilan qarayman. Futbolda murabbiyni ayblash oson. Hamma jazolanishi kerak. Murabbiy ham, futbolchilar ham aybdor. Umid qilamanki, men va futbolchilar keyingi o‘yinlarda yaxshiroq harakat qilamiz. Nega men iste’foga chiqishim kerak? O‘zi ketadigan murabbiyni ko‘rsating. Agar ular men noto‘g‘ri ish qilayotganimni ko‘rishsa, men bilan gaplashib, bu masalani hal qilishlari kerak," - deya Santushning so‘zlarini keltiradi Azerisport.
70 yoshli portugaliyalik 2024 yil yozidan beri Ozarbayjon terma jamoasiga ustozlik qilmoqda. Uning qo‘l ostida jamoa 11 ta o‘yinda 9 ta mag‘lubiyat va 2 ta durang qayd etgan.
