Озарбайжон миллий жамоаси бош мураббийи Фернанду Сантуш ЖЧ-2026 саралашидан ўрин олган Исландияга (0:5) қарши ўйинга муносабат билдирди.
"Бирор марта ўз хоҳишингиз билан истеъфога чиққанмисиз? Йўқ. Ҳозир истеъфо ҳақида ўйлаяпманми? Йўқ. Менинг амалдаги шартномам бор. Бу ерда имкон қадар кўпроқ ишлашга ҳаракат қиламан. Шартномага ҳурмат билан қарайман. Футболда мураббийни айблаш осон. Ҳамма жазоланиши керак. Мураббий ҳам, футболчилар ҳам айбдор. Умид қиламанки, мен ва футболчилар кейинги ўйинларда яхшироқ ҳаракат қиламиз. Нега мен истеъфога чиқишим керак? Ўзи кетадиган мураббийни кўрсатинг. Агар улар мен нотўғри иш қилаётганимни кўришса, мен билан гаплашиб, бу масалани ҳал қилишлари керак," - дея Сантушнинг сўзларини келтиради Azerisport.
70 ёшли португалиялик 2024 йил ёзидан бери Озарбайжон терма жамоасига устозлик қилмоқда. Унинг қўл остида жамоа 11 та ўйинда 9 та мағлубият ва 2 та дуранг қайд этган.
