"Napoli"ning belgiyalik yarim himoyachisi Kevin De Bryuyne neapolliklar bosh murabbiyi Antonio Konte va "Manchester Siti" ustozi Xosep Gvardiola o‘rtasidagi farqlar haqida gapirdi.
"Xulosa chiqarish qiyin, axir men "Napoli" safida bor-yo‘g‘i ikkita o‘yin o‘tkazdim. Lekin Kontening uslubi Pepnikidan keskin farq qiladi. U ko‘proq taktik va biroz sekinroq. O‘yin boshqacha quriladi, hatto bu yerdagi maydon ham boshqacha - quruqroq, bu ham o‘yin sur’atiga ta’sir qiladi," - deya De Bryuynening so‘zlarini keltiradi Football Italia.
Eslatib o‘tamiz, joriy yilning yozida 34 yoshli xavbek "Manchester Siti"ni tark etib, erkin agent maqomida "Napoli"ga o‘tgan edi.













